साउन ११, प्रधानमन्त्री पुष्पकमल दाहाल ‘प्रचण्ड’ इटाली भ्रमणबाट भोलि बिहान  स्वदेश फर्कँदै छन् ।

प्रधानमन्त्री दाहालले संयुक्त राष्ट्रसंघ, खाद्य तथा कृषि संगठनको आयोजित ‘फुड सिस्टम समिट प्लस टु’मा नेपाली प्रतिनिधिमण्डलको नेतृत्व गरी सहभागी भएका थिए । समिटमा जलवायु परिवर्तन र अन्य प्रकोपहरूसँग निपट्न र विकसित देशहरूको कृषिमा लगानी बढाउने महत्वपूर्णता सार्वजनिक गरेका थिए।

प्रधानमन्त्री दाहालले युनाइटेड नेसन्स फुड सिस्टम–२०२३ स्टकिङ मोमेन्टलाई पनि सम्बोधन गरेका थिए र त्यस अवसरमा उनले नेपालमा लागू गरिएको विद्यालय खाजा कार्यक्रमले विद्यार्थीको स्वास्थ्य र समग्र शैक्षिक सुधारका लागि प्रभावकारी भएको बताएका थिए।

रोममा रहेका प्रधानमन्त्री दाहालले बङ्गलादेशी समकक्षी शेख हसिनासँग द्विपक्षीय भेटवार्ता गरेका थिए। भेटवार्तामा उनीहरूले द्विपक्षीय हित र चासोहरूको बारेमा छलफल गरेका थिए र कृषि, जलविद्युत् क्षेत्रमा सहकार्य र क्षेत्रीय सहयोगका विविध विषयमा महत्वपूर्ण छलफल भएको थियो ।

प्रधानमन्त्री दाहालले संयुक्त राष्ट्रसङ्घको मुख्यालयमा महासचिव एन्टोनियो गुटेरससँग भेटवार्ता गरेका थिए।

भेटका क्रममा प्रधानमन्त्री दाहाल र विश्व खाद्य कार्यक्रमका कार्यकारी सिन्डे बीचमा पर्यावरण, खाद्य सुरक्षा, नेपाल र राष्ट्रसङ्घबीचको सम्बन्धलाई अझै मजबुत बनाउनका लागि छलफल भएको थियो।

सो अवसरमा प्रधानमन्त्री दाहालले विश्व खाद्य तथा कृषि सङ्गठनका महानिर्देशक क्यू डोङग्यू र इन्टरनेसनल फन्ड फर एग्रिकल्चर डेभलपमेन्ट (आइएफएडी)का प्रमुख एल्भारो लाइरोसँग बेग्ला–बेग्लै भेटवार्ता गरेका थिए।