माघ २१, काठमाडौं । सरकारले लगातार पेट्रोलियम पदार्थको मूल्य बढाए सँगै यातायात व्यवसायीले गाडी भाडा बढाउन माग गरेको छ ।  
असार यता डिजल तथा पेट्रोल लिटरमै १६ रुपैयाँले वृद्धि भईसकेको छ । लगातार डिजल–पेट्रोलको मूल्यले बढने क्रम चलिहरँदा यातायात व्यवसायीले फेरि भाडा समायोजन गर्न माग गर्न थालेका छन् ।

असारमा तत्कालीन भौतिक पूर्वाधार तथा यातायातमन्त्री बसन्त नेम्वाङले पेट्रोलियम पदार्थ र गाडीका पार्टपूर्जाको मूल्यवृद्धिलाई आधार बनाएर लामो दूरीमा चल्ने सार्वजनिक सवारीमा २० देखि २८ प्रतिशतसम्म भाडा बढाउन मन्त्रीस्तरीय निर्णय गरेका थिए । स्थानीय स्तरमा चल्ने सार्वजनिक सवारीको भाडा बढाउने निर्णय सम्बन्धित प्रदेश र स्थानीय तहले नै निर्णय  गरिरहेका छन् ।