मंगलवार १८ माघ, २०७८
माघ १८, काठमाडौं । नेपालले मरिससमाथि दोस्रो अन्तर्राष्ट्रिय मैत्रीपुर्ण खेलमा मरिससलाई पराजित गरेको छ । तनावपूर्ण बनेको यस खेलमा तीन खेलाडीले रातो कार्ड पाएका छन् ।
त्रिपुरेश्वर स्थित दशरथ रंगशालामा खेलिएको यस खेलमा मिडफिल्डर सुजल श्रेष्ठको गोलमा १० खेलाडीमा समेटिएको नेपालले ९ खेलाडीमा समेटिएको मरिससलाई १–० ले पराजित गरेको हो ।
त्यस लगत्तै मरिससले बराबरी गर्ने अवसर पाएपनि सफल चाँही हुन सकेन्न । नेपालका दिनेश राजवंशीले लिन्सले ब्रेसलाई पेनाल्टी बक्सभित्र फाउल गरेपछि पाएको पेनाल्टी नेपालका गोलरक्षक तथा कप्तान किरण चेम्जोङले बचाए ।
तनावपूर्ण बनेको खेलमा मरिससका दुई र नेपालका एक खेलाडीले रातो कार्ड पाए । ७१औं मिनेटमा मैदानमा खेलाडीबीच हात हालाहाल भएपछि मरिससका एड्रिएन बट्लर र नेपालका पुजन उपरकोटीले रातो कार्ड पाए ।
यस्तै ८०औं मिनेटमा मरिससका एमानुएल फुलचन्दले पनि रातो कार्ड पाए ।
