सोमबार २१ भाद्र, २०७८
भदौ २१, काठमाडौं । काठमाडौंमा बाढीका कारण तीन सय ८२ घर डुबानमा परेका छन् । एक सय ३८ जनालाई भने प्रहरीले उद्धार गरेको छ ।
गए रातिदेखि परेको वर्षाका कारण खोला किनारका बस्तीहरु डुबानमा परेका हुन् । ती बस्तीका बासिन्दा जोखिममा परेपछि प्रहरीले उद्धार गरेर सुरक्षित स्थानमा लगेर राखेको हो ।
काठमाडौं प्रहरी प्रमुख एसएसपी अशोक सिंहका अनुसार बल्खुको तरकारी बजार, कोटेश्वरको नरेफाँट क्षेत्र, कुलेश्वरको हाउजिङ क्षेत्र, बालाजुको नेपालटारको तल्लो क्षेत्र, शंखमुल पार्क र कालिमाटीको तरकारी बजार क्षेत्र डुबानमा परेका छन् ।
एसएसपी सिंहका अनुसार मानवीय क्षति भने अहिले सम्म भएको छैन ।
