असार १६, काठमाडौं । लाफा रुङ्ग फाउन्डेसनले मेलम्ची हेलम्बु तथा मनाङ्गका बाढिपिडित, तनहुको आगलागी पिडित, नवलपुरको एकल महिला, चेपाङ समुदाय र लकडाउन प्रभावित मजदुरलाई विभिन्न स्थान र मितिमा सहयोग हस्तान्तरण गरेको छ ।

 लाफा रुङ्ग फाउन्डेसनले हेलम्बुलाई जस्ता पाता (२५ बन्डल), म्याट्रेस र ब्ल्यान्केट दिएर सहयोग गरेको छ । 

त्यसैगरी नेपाल मगर महिला संघ समेतको सहकार्यमा मनाङका ७५ परिवारलाई ६० बोरा चामल, दाल, नुन, तेल लगायतका खाध्य सामग्री, मोबाइल पावर बैंक र जम्मा रु. ५०,००० हस्तान्तरण गरेको छ । 

साथै चितवन चेपाङ बस्ती राप्ती गाउँपालिका वड नं. १२ वाक्रङ्ग गाउँ र तनहुँ जिल्ला देबघाट गाउँपालिका वडा नं. २ जल्क्यानी सालघारी बस्ने मीन बा. माकिम मगरको आगो लागिबाट घर जलेर नस्ट भएको पीडित र नवलपुर जिल्ला बुलिङ्गतार गाउँपालिका वाड नं. १ तुलि माया पुलामी दिसुवा मगर एकल महिला र अशक्त महिला जम्मा ७६ धुरी र चितवन जिल्ला इच्छाकामना गाउँपालिकाका बिपन्न मजदुर तथा चेपाङ समुदाय १७ धुरीलाई १-१ बोरा चामल, दाल, नुन, तेललगायतका खाध्य सामग्री र केही आर्थिक सहयोग हस्तान्तरण गरेको छ । 

लाफा रुङ्ग फाउन्डेसनले नेपाल मगर महिला संघ समेतको सहकार्यमा दुःखमा परेका पिडितलाई सहयोग हस्तान्तरण गरेको लाफा रुङ्ग फाउन्डेसनका सञ्चालक रक्षा रैका मगरले विचार वाटिकालाई जानकारी गराउनुभयो ।

तस्बिरः रक्षा रैका मगर