बिहीबार १३ जेष्ठ, २०७८
जेठ १३, काठमाडौं । संसद विघटनका विषयमा सभामुख अग्नि सापकोटाले परामर्श जारी राखेका छन् ।
यसअघि पूर्वसभामुखहरुसँग परामर्श गरेका सापकोटाले आज संविधान, कानून र न्यायिक क्षेत्रका विज्ञ, विशेषज्ञहरुसँग परामर्श थालेका हुन् ।
संसद भवनको ल्होत्से हलमा दिउँसो एक बजेदेखि परामर्श गर्न लागिएको सभामुखको सचिवालयले जनाएको छ ।
नेपाल बार एशोसिएसनका पूर्वअध्यक्षहरु, वरिष्ठ अधिवक्ताहरु लगायतलाई परामर्शका लागि बोलाइएको छ ।
सभामुख सापकोटाले यसअघि विज्ञप्ति जारी गरेर संसद विघटनलाई असंवैधानिक भनेका छन् ।
