बैशाख ६, बैशाख ३०मा हुने स्थानीय तहको निर्वाचनका लागि सुदूरपश्चिम प्रदेशमा २६ मतदान स्थलहरु थपिएका छन् ।

निर्वाचन आयोगले सार्वजनिक गरेको विवरण अनुसार प्रदेशका नौ जिल्लामा एक हजार १३५ मतदान स्थल रहेको छ । यसअघिको निर्वाचनमा सुदूरपश्चिममा एक हजार १०९ मतदान स्थल रहेका थिए । 

 डोटीमा ११५, कञ्चनपुरमा १३२, बाजुरामा ७० र दार्चुलामा ११० मतदान स्थलहरु रहेका निर्वाचन आयोगले सार्वजनिक गरेको विवरणमा उल्लेख गरिएको छ ।

प्रदेशमा गएको निर्वाचन भन्दा ३३२ मतदान केन्द्र पनि थप भएका छन् । गएको निर्वाचनमा एक हजार सात सय ८१ मतदान केन्द्र रहेकामा वैशाख ३० गते हुने निर्वाचनका लागि दुई हजार १०३ मतदान केन्द्र कायम भएका छन् ।