बुधबार १६ चैत्र, २०७८
चैत १६ काठमाडौं, आगामी बैशाख ३० गते हुन लागेको स्थानीय तहको चुनावमा तालमेल गर्ने बारे छलफल गर्न सत्ता गठबन्धनको बैठक भोलि बस्ने भएको छ ।
भोलि हुन लागेको बैठक प्रधानमन्त्री निवास बालुवाटारमा बिहान साढे १० बजे बस्न लागेको कांग्रेस वरिष्ठ नेता रामचन्द्र पौडेलका स्वकीय सचिव चिरञ्जीवी अधिकारीले बताएका छन् ।
अबका तीनै वटा तहका चुनावमा गठबन्धन गर्ने भने पनि कांग्रेस भित्र विवाद चलिरहेको छ । कांग्रेसका सभापति शेरबहादुर देउवा र नेता रामचन्द्र पौडेल भने चुनावी गठबन्धनको पक्षमा छन् तर शेखर कोइराला पक्षले भने कांग्रेसले गठबन्धन नगरी एक्लै चुनाव लड्नु पर्ने बताउँदै आएको छ ।
