फागुन ११ काठमाडौं, लोक गायक तथा चर्रित कलाकार जयनन्द लामाको निधन भएको छ । मरिचमान श्रेष्ठ (बल्छी धुर्बे)ले लामाको निधन भएको जानकारी गराएको छ  ।

उनका अनुसार आज बिहान मध्यपुरथिमी नगरपालिका लोकन्थलीस्थित घरको गेटमा गाडीबाट लडेको अवस्थामा उनी मृत फेला परेका थिए ।

महानगरीय प्रहरी परिसर, भक्तपुरका सूचना अधिकारी डिएसपी राजु पाण्डेका अनुसार उनी बैठकमा सहभागी हुन भन्दै मंगलबार बेलुकी ७ बजे काठमाडौंको बौद्ध गएका थिए । आज बिहान ७ बजे मारुती सुजुकी कारमा खुट्टा गाडीमा र शरीर घोप्टो परी टाउको भुइँमा जोतिएको अवस्थामा घरको गेटमा लामा मृत फेला परेका थिए ।

डिएसपी पाण्डेले घटनाको थप अनुसन्धान भइरहेको बताए ।