स्वास्थ्यकर्मीमाथि आक्रमण गर्नेलाई कारबाही गरः नेपाली कांग्रेस

शुक्रबार १४ जेष्ठ, २०७८ विचारवाटिका 2381

जेठ १४, काठमाडौं । बाँकेको भेरी अस्पतालमा स्वास्थ्यकर्मीमाथि भएको आक्रमणको निन्दा नेपाली कांग्रेसले गरेको छ ।

शुक्रबार नेपाली कांग्रेस कोभिड—१९ अनुगमन समितिका संयोजक डा. प्रकाशशरण महतले एक विज्ञप्ति जारी गर्दै स्वास्थ्यकर्मीमाथि आक्रमण गर्ने समूहलाई कानुनी दायरमा ल्याइ कारबाही गर्न माग गरेका हुन् ।

बिरामीको उपचार गर्ने क्रममा मृत्यु भएको घटनालाई लिएर मृतकका आफन्तहरुले डाक्टर र नर्सहरुमाथि आक्रमण गर्न खोज्दा ज्यान जोगाउन अस्पताल भवनबाट हामफालेको घटनाप्रति गम्भीर ध्यानाकर्षण भएको जारी विज्ञप्तिमा उल्लेख गरेको छ ।

मृतकका आफन्तहरुले यस्तो क्रियाकलाप गरेपछि स्वास्थ्यकर्मीहरुमा डर र त्रास उत्पन्न भएकाले अस्पतालको काम समेत प्रभावित भई बिरामीहरुको उपचारमा गम्भीर असर परेको भन्दै कांग्रेसले घटनालाई गम्भीरता पूर्वक लिन माग गरेको छ ।