फागुन २४ काठमाडौं ,लोकप्रिय गायक तथा संगीतकार रुद्रसेन विश्वकर्माले नयाँ होली गीत ‘होली सररर’ सार्वजनिक गरेका छन् । फागुन २२ गते सार्वजनिक यो गीत होली पर्वलाई लक्षित गरी तयार पारिएको हो । गीतको भिडियोमा अभिनेता आर्यन सिग्देल, मोडल बिना राउत र गायक रुद्रसेनको दमदार प्रस्तुति रहेको छ ।

गीतमा समीक्षा अधिकारीले रुद्रसेनसँग स्वर भरेकी छन् भने संगीत तथा शब्द रचना रुद्रसेनकै रहेको छ । गीतको भिडियो आकर्षक छ, जसलाई ओम प्रसाईले छायांकन गरेका छन् । सम्पादन तथा रंग संयोजन अमृत चापागाईंले गरेका छन् भने नृत्य निर्देशन प्रदीप कुमार रसाइलीले गरेका छन् ।
गायक रुद्रसेनका अनुसार, "होली गीत ‘होली सररर’ नेपाली दर्शकका लागि रमाइलो र मनोरञ्जन दिने उद्देश्यले तयार पारिएको हो ।"

यो गीत अब युट्युब र अन्य डिजिटल प्लेटफर्महरूमा उपलब्ध छ।

गीत सुन्न र हेर्नको लागि यहाँ क्लिक गर्नुहोला ।
https://youtu.be/BLb29WdRlb4?si=pg5lP-oKgMqW2k2c