आईतवार १६ माघ, २०७८
माघ १६, काठमाडौं । स्वास्थ्य तथा जनसंख्या मन्त्रालयले कोभिड–१९ विरुद्धको २४ लाख डोज खोप हराएकाले खोज्नका लागि समिति गठन गरेको छ ।
स्वास्थ्यमन्त्री विरोध खतिवडाले प्रमुख विशेषज्ञ डा. गुणराज लोहनीको संयोजकत्वमा ५ सदस्यीय छानबिन समिति गठन गरेका छन् ।
हराएको खोप छानविन गर्न समितिमा मन्त्रालयका प्रमुख विशेषज्ञ डा. लोहनीसहित विभिन्न महाशाखाका प्रमुखलाई जिम्मेवारी दिइएको छ । ५ सदस्यीय समितिले खोप अभिलेख विवरण अध्यावधिक गर्ने जिम्मेवारी पनि पाएको डा. लोहनीले पुष्टि गरे ।
