जेठ २५, धनगढी । मुख्यमन्त्री त्रिलोचन भट्टलाई नेकपा एमाले सुदूरपश्चिम प्रदेश संसदीय दलले विश्वासको मत दिने निणर्य गरेको छ ।

सामाजिक विकासमन्त्री लालबहादुर खड्काको अनुसार मंगलबार विहान बसेको संसदीय दलको बैठकले मुख्यमन्त्रीको पक्षमा उभिने निणर्य गरेको छ । 

बैठकमा केपी शर्मा ओली पक्षका सांसदहरुले मत दिन नहुने बताएका थिए । पार्टी केन्द्रको निर्देशनअनुसार विश्वासको मत नदिने बताएको सांसद पठान सिंह बोहोराले जानकारी दिए ।

तर बहुमत सांसदहरु मत दिने पक्षमा उभिएपछि उनीहरुले फरक मत राख्न चाहेका थिए । तर एक सांसदका अनुसार बहुमत पक्षले फरक मत पनि राख्न दिएन । २४ सदस्यीय संसदीय दलका ओली पक्षका ७ जना छन् ।