असार २७ काठमाडौं, प्रधानमन्त्री पुष्पकमल दाहालको पत्नी सीता दाहाललाई पशुपति आर्यघाटमा राजकीय सम्मानका साथ अन्त्येष्टि गरिएको छ । उनलाई पति प्रचण्ड र दुई छोरी रेणु र गंगाद्वारा दागबत्ती दिएको हो ।

पत्नी दाहालको आज बिहान अस्पतालमा निधन भएको हो । उनको शवलाई पशुपति आर्यघाटमा अन्त्येष्टिका लागि लैजानुअघि नेकपा माओवादी केन्द्रको पार्टी कार्यालय पेरिसडाँडामा राखिएको थिए। त्यहाँ विभिन्न राजनीतिक दलका नेता र उनका शुभचिन्तकहरूले श्रद्धाञ्जली दिएका थिए।